முதலில் தோன்றும் எண்ணம் தான் சிறப்பானது என்கின்றனர். வேலை வாய்ப்பு நேர்காணல்களை பொருத்தவரை இது முற்றிலும் உண்மை. நீங்கள் எப்படி உடை அணிகிறீர்கள், எப்படி நடந்து கொள்கிறீர்கள், எப்படி தோற்றம் தருகிறீர்கள் என எல்லாமே உங்கள் நேர்காணலில் முக்கிய பங்கு வகிக்கின்றன. குறிப்பாக உங்கள் கூந்தல் அலங்காரம் எப்படி அமைகிறது என்பது, உங்களுக்கு வேலை வாய்ப்பு அளிக்க உள்ள நிறுவன அதிகாரி மீது மிகுந்த தாக்கத்தை செலுத்துகிறது. 

நேர்காணலில் நீங்கள் பதில் சொல்வது போலவே கூந்தலும் முக்கியமானது. எந்த நிறுவனமும், சரியாக வாரப்படாத, பரமாரிக்கப்படாத கூந்தலை கொண்ட ஊழியர்களை விரும்புவதில்லை என்பதால், உங்கள் கூந்தல் அலங்காரத்தில் கவனம் செலுத்துங்கள். குறைவான, அழகான மேக்கப்புடன், ஆர்ப்பாட்டம் இல்லாத, முகத்திற்கு ஏற்ற கூந்த அலங்காரம் நீங்கள் சிறந்த தோற்றம் பெற்று விளங்க மிகவும் முக்கியமானதாகும்.  

நீங்கள் மிகவும் குறைந்த நேரத்தில் செய்து கொள்ளக்கூடிய ஆனால், தொழில்முறை தன்மையோடு அழகான தோற்றத்தை பெற உதவும் மூன்று எளிய கூந்தல் அலங்காரங்களை உங்களுக்காக தேர்வு செய்து வழங்குகிறோம்.

குதிரை வால்
 

குதிரை வால்

சரியான முறையில் அமைத்துக்கொண்டால், வேலைவாய்ப்பு நேர்காணலுக்கு குதிரை வால் கூந்தல் அலங்காரம் மிகவும் ஏற்றதாக இருக்கும். இந்த கூந்தல் அலங்காரத்திற்கு நேர்த்தியான தோற்றம் தேவை. ஆண்டி பிரிஸ் கிரீம் அல்லது ஸ்டலிங் பொருள் மூலம் இதை நிறைவேற்றிக்கொள்ளலாம்.

இந்த தோற்றம் பெற

 

உங்கள் தலைமுடியை நேராக்கி, தலைமுடி முழுவதும் ஆன்டி பிரஸ் கிரீம் தடவிக்கொள்ளவும். தலைமுடையை மொத்தமாக இறுகப்பற்றி குதிரை வாலாக்கி, உங்களுக்கு விருப்பமான உயரத்தில் அதை சுற்றி இறுக்கமாக்கி கொள்ளவும். உங்கள் தலையின் கீழ்ப்பகுதியில் இருந்து கொஞ்சம் முடி எடுத்து, அதை கூந்தல் அலங்காரத்தை சுற்றி அமைத்து நேர்த்தியான தோற்றத்தை உண்டாக்கி கொள்ளவும்.

கொண்டை ( ஸ்லீக் லோ பன்)
 

கொண்டை ( ஸ்லீக் லோ பன்)

கொண்டை, அலுவலக நோக்கிலான உடைகளுடன் கச்சிதமாக பொருந்தக்கூடிய கூந்தல் அலங்காரம். ஏனெனில் இது சிக்கல் இல்லாதது மற்றும் காற்றில் பறக்கும் முடியையும் கட்டுப்படுத்துகிறது. கழுத்து அளவில் தாழ்வாக கொண்டை அமைத்துக்கொள்வது, சிக்கென, நவீனத்தன்மையோடு இருக்கும், அதே நேரத்தில் தொழில்முறை தன்மையையும் கொண்டிருக்கும். 

 

இந்த தோற்றம் பெற

நல்ல சீப்பு கொண்டு தலைமுடியை வாரி, தலை முடி அனைத்தையும் ஒன்றாக்கி, உங்கள் கழுத்து அளவில் குதிரை வாலாக அமைத்துக்கொள்ளவும். இந்த குதிரை வால் பின்னலை சுருட்டி கொண்டையாக்கி, பின் குத்திக்கொள்ளவும். சிடுக்கு உள்ள முடி எனில், செட்டிங் ஸ்பிரே பயன்படுத்தி சீராக்கி கொள்ளவும்.

முன்பக்க தலைமுடி (டிவிஸ்டட்)
 

முன்பக்க தலைமுடி (டிவிஸ்டட்)

இந்த கூந்தல் அலங்காரம் மிகவும் நேர்த்தியாக தோன்றக்கூடியது, உடனடியாக தொழில்முறை தோற்றம் தரக்கூடியது. இந்த எளிதான கூந்தல் அலங்காரத்துடன், கண் அலங்காரம் மற்றும் நியூட் லிப்ஸ்டிக் அணிந்து கொண்டால் இன்னும் அசத்தலாக இருக்கும்.

 

இந்த தோற்றம் பெற

உங்கள் தலைமுடியை டிரையர் கொண்டு நன்றாக காய வைத்து, கீழப்பகுதியில் சுருள் முடியை உருவாக்கி கொள்ளவும். சிப்பு கொண்டு முன்பக்க முடியை அமைத்து, அதை பின்பக்கமாக இழுத்து, பின் குத்திகொள்ளவும். செட்டிங் ஸ்பிரே மூலம் நல்ல பினிஷ் பெறவும்.

ஒளிப்படம்; பிண்ட்ரெஸ்ட்